EATV media house yatumia siku ya wanawake duniani kusaidia mabinti katika kipindi cha Hedhi

Miaka 7 iliyopita wakati Kasole Secrets wanaanzisha campaign za Hedhi Salama, ilionekana kama ni udhalilishaji kwa watoto wa kike na kina mama kuzungumzia katika uwazi kusuhu Hedhi Salama jambo lililohitaji usiri mkubwa kulingana na mila na tamaduni za muafrika. Vyombo vya habari vyote nchini viligomea kabisa kuzungumzia kuhusu Hedhi Salama. Leo mwaka 2017 agenda ya Hedhi salama imechukua sura mpya na uzito wa pekee kwa jamii nzima ya kitanzania. Vyombo vya habari pia vimeweza kuvunja ukimya huu na kuongelea kwa wazi kabisa kuhusu Hedhi Salama. Tuna wapongeza kituo cha habari cha EATV kwa kwenda mbali zaidi na kuamua kuchangisha pads kutoka kwa wanajamii kwa ajili ya mabinti wanaokosa fedha kwa ajili ya kununua vifaa hivi na kujisitiri hasa wanapokua shuleni.